Улица Биди Маж

Од прва насловов е навистина нејасен и збунувачки. Но е вистина! Улица со вакво име има во Прилеп. Кој не верува нека изгугла. Да, ми текна на улицата и многу ме интересира кој и го ставил ова име, зошто на улица и која е приказната.
Ми текна на улицата оти неколку дека некако чудно јас и моите пријатели дојдовме во ситуација на неколкумина да им кажеме БИДИ МАЖ.
Еве неколку вистински приказни :
Прва приказна :
Актуелно било и ќе биде секогаш да се следат настаните во Кривичниот суд каде се најактуелните предмети во државава. Толку политичари влегле и излегле во сивана зградичка , повеќе од било која Влада или Собрание. Секогаш внатре нешто жешко се случувало и пред 17 години кога прв пат влегов таму, па до ден денешен. Судиите горе долу па и истите , сега подостарени но и помудри. Но не баш за судските предмети , туку како да се снајдаат и играат со сите. Јас тоа го викам селски итроштини. Ете сега ги гледаме угнетените зведи од режимот го добија судот. И ? Направија Хаос.
Лако че мо нели.
Е за да водиш таков суд во вакво време на вакви коренити промени повеќе не е важно што било, има кој тоа да го гони, туку како понатаму. Секако за тоа треба умешност , може да си добро дете , со сите петки у школо , ама за менаџер треба да си маж. Судот е сериозна институција со која се игра мајтап , се нема доверба и се е тоа поради лични интереси. Велам лични и тврдам лични , а не е лошо и Премиерот да се заинтересира кои и зошто. Дали она што се прави внатре се раформи или само добра групировка на наши и ваши. Не знам по кој пат веќе последниве 10тина години. Делење предмети како карти на маса, е истото што во минатото го правеше една сегашна новопечена зведа и им ги фрлаше предметите на судиите в лице. Кој АКМИС кој ѓаол. Ич не ни треба ни АКМИС ни ништо.
Ете се оствари мојата прогноза пред Нова година. Масовните селидби доведоа до долагања на судењата и тоа оние што нели сите ги знаеме и следиме, за ситните да зборуваме. Ке видиме на крај бројките од ажурноста ќе го кажат своето. Искрено се надевам дека вработените ќе се снајдат и ќе му ја завршат работата како и на секој шеф до сега. Сепак столчето на вториот кат е стани седни ама нивното не смее да се расклати оти чудо народ живеаат од скромните плати.
Бараме реформи ама за нив мора да си маж.
Втора приказна:
Ова редовно се случува…. паркираш и туку од никаде некој ке свика козо овцо и уште некоја пцофка. Се вртиш некој маж покрај мојот џип камион со мало количе урла демек не знам да паркирам. Излегувам му велам кажи што ти е проблемот и мажов оп затвора прозори се заклучува и побегна???? Е еден таков колем маж па и текстови лупа на сопствен портал и коментира паркирање у градов. Се скрил зад девојче и пиши ли пиши како да е тоа прво и последно и најважно и за кого?? За своите пред Броз Кафе .
Оди дечко биди маж и пиши и за Тетово и за Гостивар , отаде Бит Пазар Маџари… Скопје не е само Партизанска.
Трета приказна:
Нели беше нешто забрането Водно возила како беше…искрено не следам кој што прави за да го исчисти загадувањето оти мислам дека сето тоа е само бедни чекори без резултат. Не се најде татко на градов и не се погоди да го излуфтира троа. Но нема везе тоа , одам да ја испробам колата до средно Водно ноќе покасно да не сметам. Кога горе на средно врие од коли, уффф што е ова. Знаеме дека е познато место за љубовни средби, а кога видов кој е горе ….таму саде мажи и тоа сериозни гушнати во автомобилите. Женско не видов. ….

Ете така на крајот од текстов насловот Биди Маж ми падна во вода !

Be the first to comment

Leave a Reply

Your email address will not be published.